هەولێر/ دوو كەس بە تۆمەتی رێگریكردن دەستگیردەكرێن
پەیامی کورد … هەولێر/ دوو كەس بە تۆمەتی رێگریكردن دەستگیردەكرێن
پۆلیسی هەولێر دەستگیركردنی دوو كەسی بە تۆمەتی رێگریكردن لە منداڵ و هەرزەكاران راگەیاند.
ئەمڕۆ دووشەممە ٢٢ی شووباتی ٢٠٢١، بەڕێوەبەرایەتی پۆلیسی هەولێر بڵاویكردەوە،" بەشی پۆلیسی فریاكەوتنی هەولێر، دوو تۆمەتباریان بە ناوەكانی (ف.ف.ع) و (ئ.ز.م) دەستگیر كرد، كە لە پاركێكی نزیك مزگەوتی (ماجیدی) رێگرییان لە منداڵ و هەرزەكاران دەكرد و بەزۆر مۆبایل و پارەیان لێ دەستاندن".
ئاماژەی بەوەشداوە،"هەردوو تۆمەتبارەكە، ڕادەستی پۆلیسی نەهێشتنی تاوانی هەولێر کران".
هاوكات رائید هۆگر عەزیز، وتەبێژی پۆلیسی هەولێر لەبارەی پیشەی ئەو دووكەسەوە رایگەیاند،"یەکێکیان لە پێشانگای ئۆتۆمبێل کاری کردووە و ئەوی دیکەشیان فیتەر بووە".
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە