نێچیرڤان بارزانی سەرۆکی هەرێمی کوردستان پەیامێکی هاوخەمی بۆ کاسبکارانی بازاڕی قەیسەری هەولێر ڕاگەیاند
پەیامی کورد ... نێچیرڤان بارزانی سەرۆکی هەرێمی کوردستان پەیامێکی هاوخەمی بۆ کاسبکارانی بازاڕی قەیسەری هەولێر ڕاگەیاند
سەرۆکی ھەرێمی کوردستان ڕاگەێندراوێکی لەبارەی سووتانی بازاڕی قەیسەری ھەولێر بڵاوکردەوە و دەڵێت: دەبێت لایەنە پەیوەندیدارەکان لێکۆڵینەوەیەکی ورد بۆ ھۆکارەکانی ئەو ڕووداوە نەخوازراوە بکەن.
دەقی ڕاگەێندراوەکەی سەرۆکی ھەرێمی کوردستان…
بەداخەوە ھەواڵی ئاگرکەوتنەوەی بازاڕی قەیسەری ھەولێرم بیست کە بەھۆیەوە جگە لە برینداربوونی ژمارەیەک ھاووڵاتی و کارمەندی بەرگری شارستانی، زیانێکی زۆری ماددیش بەر کاسبکارانی بازاڕەکە کەوتووە.
ھیوای زوو چاکبوونەوە بۆ برینداران دەخوازم و ھاوخەمی کاسبکارانی ئەو بازاڕەم کە زیانیان بەرکەوتووە، ھاوکات لایەنە پەیوەندیدارەکان دەبێ لێکۆڵینەوەیەکی وورد بۆ ھۆکارەکانی ئەو ڕووداوە نەخوازراوە بکەن.
سوپاسی تیمەکانی بەرگری شارستانی، فریاکەوتن، پۆلیس، ئاسایش و تەندرووستی دەکەم کە بەرپرسانە ئەرکی خۆیان جێبەجێ کرد و بەریان بە تەشەنەکردنی زیاتری ئاگرەکە گرت.
پێویستە ھەڵوەستە لەسەر دووبارەبوونەوەی ئەم ڕووداوانە و بەدواداچوونێکی ھەمەلایەن بۆ ڕووداوەکە بکرێت، ھەروەھا کاسبکارانیش زیاتر پابەندی ڕێنمایییەکان و گرتنەبەری ڕێکارەکانی سەلامەت بن.
ئەم بازاڕە شوێنەوارێکی مێژوویی و سیمایەکی جوانی پایتەختی ھەرێمی کوردستانە، بۆیە ھەموو پشتیوانییەک بۆ ھەرچی زووتر نۆژەنکردنەوەی، ڕادەگەێنین.
نێچیرڤان بارزانی
سهرۆکی ههرێمی کوردستان
٢٠٢٤/٥/٦
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە