نێچیرڤان بارزانی لەگەڵ وەزیری دەرەوەی تورکیا لە تاران کۆبووەوە
پەیامی کورد ... نێچیرڤان بارزانی لەگەڵ وەزیری دەرەوەی تورکیا لە تاران کۆبووەوە
سەرۆکی ھەرێمی کوردستان و وەزیری دەرەوەی تورکیا لە تاران کۆبوونەوە و جەختیان لە خواستی دوولایەنە بۆ فراوانکردنی ھاریکاریی ھاوبەش و برەودان بە پەیوەندییەکانیان کردەوە.
بەپێی ڕاگەێندراوی سەرۆکایەتی ھەرێمی کوردستان، ئێوارەی ئەمڕۆ سێشەممە ٣٠-٠٧-٢٠٢٤ لە پەراوێزی بەشدارییاندا لە رێوڕەسمی سوێندخواردنی سەرۆککۆماری ئێراندا، نێچیرڤان بارزانی، سەرۆکی ھەرێمی کوردستان و ھاکان فیدان، وەزیری دەرەوەی تورکیا کۆبوونەوە.
لە کۆبوونەوەکەدا، وەکو سەرۆکایەتیی ھەرێمی کوردستان ئاماژەی پێداوە، ھەردوولا جەختیان لە خواستی دوولایەنە بۆ فراوانکردنی ھاوکاری ھاوبەش و برەودان بە پەیوەندییەکانی تورکیا لەگەڵ عێراق و ھەرێمی کوردستان لە ھەموو بوارەکاندا کردەوە.
ھەروەھا سەرۆکی ھەرێمی کوردستان و وەزیری دەرەوەی تورکیا تیشکیان خستووەتە سەر دوایین پێشھاتەکانی ناوچەکە و چەند پرسێکی جێی بایەخی ھاوبەش.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە