سەرۆكی حكوومەت پەیامێك بۆ ساڵیادی پارتی سۆسیالیست دیموکراتی کوردستان بڵاو کردەوە

پەیامی کورد   ...   سەرۆكی حكوومەت پەیامێك بۆ ساڵیادی پارتی سۆسیالیست دیموکراتی کوردستان بڵاو کردەوە

سەرۆکی حکومەتی هەرێمی کوردستان پەیامێكی بۆ ساڵیادی پارتی سۆسیالیست دیموکراتی کوردستان بڵاو كردەوە و دەڵێت: "ئومێدەوارم پارتی سۆسیالیست دیموکراتی کوردستان، بەردەوام بێت لە کارکردن لەپێناو داکۆکیکردن لە مافە ڕەواکانی گەلی کوردستان."

پێنجشەممە 8/8/2024، مەسرور بارزانی، سەرۆکی حکومەتی هەرێمی کوردستان پەیامێكی بۆ ساڵیادی پارتی سۆسیالیست دیموکراتی کوردستان بڵاو كردەوە و ڕایگەیاندووە: "بەڕێز محەمەدی حاجی مەحموود، سکرتێری گشتی پارتی سۆسیالیست دیموکراتی کوردستان، بە بۆنەی چل و هەشتەمین ساڵیادی دامەزراندنی پارتی سۆسیالیست دیموکراتی کوردستان، پیرۆزبایی لە بەڕێزتان و سەرکردایەتی و گشت ئەندام و لایەنگرانی پارتە تێکۆشەرەکەتان دەکەم وهیوای سەرکەوتنتان بۆ دەخوازم."

سەرۆكی حكوومەت هەروەها ووتی: "ئومێدەوارم پارتی سۆسیالیست دیموکراتی کوردستان، بەردەوام بێت لە کارکردن لەپێناو داکۆکیکردن لە مافە ڕەواکانی گەلی کوردستان و دەسکەوتە نیشتمانییەکان."