سەرۆكی حكوومەت گەورەترین پێشانگەی نێودەوڵەتی تەندرووستی كردەوە

پەیامی کورد   ...  سەرۆكی حكوومەت گەورەترین پێشانگەی نێودەوڵەتی تەندرووستی كردەوە

سەرۆكی حكوومەتی هەرێمی كوردستان گەورەترین پێشانگەی نێودەوڵەتی تەندرووستی لە هەولێر دەكاتەوە، كە تێیدا نوێترین داهێنان و دەرمان و پێویستییە پزیشكییەكانی تێدا دەخرێتە ڕوو.

چوارشەممە 5/2/2025، مەسروور بارزانی، سەرۆكی حكوومەتی هەرێمی كوردستان، لە هەولێر گەورەترین پێشانگەی نێودەوڵەتیی تەندروستیی لەژێر ناوی (داهاتووی تەندرووستی ببینە) كردەوە، كە یەكەم جارە پێشانگەی لەو جۆرە دەكرێتەوە.

150 كۆمپانیای ناوخۆ و نێودەوڵەتی لە پێشانگەكەدا بەشدارن و چوار ڕۆژ بەردەوام دەبێت، تێیدا نوێترین داهێنان و دەرمان و پێویستییە پزیشكییەكانی تێدا دەخرێتە ڕوو، هەروەها زیاتر لە هەزار هەلی كار دەڕەخسێنێت.