سەرۆکی حکوومەت بە بۆنەی جەژنی ڕەمەزان پەیامێکی پیرۆزبایی ڕاگەیاند

پەیامی کورد   ...    سەرۆکی حکوومەت بە بۆنەی جەژنی ڕەمەزان پەیامێکی پیرۆزبایی ڕاگەیاند

سەرۆکی حکوومەتی هەرێمی کوردستان مەسروور بارزانی، بەبۆنەی جەژنی ڕەمەزان، پیرۆزبایی لە موسڵمانانی کوردستان و عێراق و جیهان دەکات و هیوا دەخوازێت، بنەماکانی تەبایی و بەیەکەوەژیانی ئاشتییانە و برایەتی لەنێوان پێکهاتەکانی گەلەکەمان و گەلانی جیهاندا بەهێزتر ببێت و زیاتر گەشە بکات.

ئەمە دەقی پەیامی سەرۆکی حکوومەتی هەرێمی کوردستان:

بە بۆنەی هاتنی جەژنی پیرۆزی ڕەمەزان، گەرمترین پیرۆزبایی لە گشت موسڵمانانی کوردستان و عێراق و جیهان دەکەم، بە تایبەتی پیرۆزبایی لە پێشمەرگە قارەمانەکان و هێزەکانی ئاسایشی ناوخۆ و کەسوکاری سەربەرزی شەهیدان و ئەنفالکراوان دەکەم. ئومێدەوارم پشووی جەژن، لە خۆشی و شادی و ئارامیدا بەسەر ببەن.

لە خوای مەزن نزاکارین کە ڕۆژوو و خواپەرستی هەمووان قبوڵ بکات و هیوادارین بنەماکانی تەبایی و بەیەکەوەژیانی ئاشتییانە و برایەتی لەنێوان پێکهاتەکانی گەلەکەمان و گەلانی جیهاندا بەهێزتر ببێت و زیاتر گەشە بکات.

جەژنتان پیرۆز بێت و هەمیشە لە ئاشتی و تەندرووستی دا بژین.

مەسروور بارزانی

سەرۆکی حکوومەتی هەرێمی کوردستان

2025/3/29