لە هەولێر ٢٣ کیلۆ ماددەی هۆشبەر دەستی بە سەردا گیرا

پەیامی کورد … لە هەولێر ٢٣ کیلۆ ماددەی هۆشبەر دەستی بە سەردا گیرا

لە هەولێر و ناوچەكانی دەوروبەری 10 كەس بەتۆمەتی بازرگانی و بەكارهێنانی ماددەی هۆشبەر دەستگیركران و دەستیش بەسەر زیاتر لە 23 كیلۆ و نیو ماددەی هۆشبەر و زیاتر لە 37 هەزار شێت حەبی هۆشبەردا گیرا.

به‌ڕێوه‌به‌رایه‌تی نه‌هێشتنی مادده‌ هۆشبه‌ره‌كان ئاشكرایكرد، لەمیانەی سێ چالاكیدا 10 تۆمه‌تباریان دەستگیركردووە و بڕی 23 كیلۆ و 525 گرام مادد‌ه‌ی هۆشبه‌ر و 37 هه‌زار و 772 شیت حه‌بی هۆشبه‌ریش دەستی بەسەرداگیراوە.

یەكێك لەو چالاكییانە ئەمڕۆ بووە كە تیایدا باندێكی حەوت كه‌سیی بازرگانیكردن به‌ مادده‌ هۆشبه‌ره‌كان له‌لایه‌ن هێزەكانی بەڕێوەبەرایەتییەكەوە ده‌ستگیركراون، و دەڵێت، “ژماره‌یه‌كیان بازرگانی گه‌وره‌ن”، سەرەڕای ده‌ستبه‌سه‌رداگرتنی مادده‌ هۆشبه‌ر بە بڕ و جۆری:

1- چوار كیلۆ و 535 گرام مادده‌ی كریستاڵ.

2- سێ كیلۆ و 500 گرام مادده‌ی هێرۆیین.

3- دوو كیلۆ و 700 گرام مادده‌ی حه‌شیش.

4- یه‌ك كیلۆ و 790 گرام مادده‌ی جامایكا.

5- 37 هه‌زار و 772 شیت حه‌بی هۆشبه‌ر له‌ جۆره‌كانی (ترامادۆڵ، سۆمادریل، میتادۆن).