لە کەرکوک (٢) رۆژنامەنووسی کورد دەستگیرکران

بەپێی زانیارییەکان، هێزە ئەمنییەکانی عێراق دوو رۆژنامەنوسی کوردیان لەسەنتەری شاری کەرکوک دەستگیرکردووە.
سەرچاوەکانی هەواڵ بڵاویانکردووەتەوە، کە ئێوارەی ئەمڕۆ سێ شەممە، هەریەک لە پەیامنێرانی کەناڵی رووداو (هەردی محەمەد و هونەر ئەحمەد) لەگەڕەکی رەحیماوای شاری کەرکوک لەلایەن هێزی دژەتیرۆری عێراقەوە دەستگیرکراون.
دۆخی ئەمنی شاری کەرکوک لەپاش رووداوەکانی (١٦) ئیکتۆبەرەوە ئاڵۆزبووەو هەریەک کەناڵەکانی (رووداو و کوردستان24) لەکەرکوک قەدەغەکران، بەڵام بەشێوەی شاراوە لەلایەن پەیامنێرانی ئەو دوو کەناڵەوە روماڵی رووداوەکان دەکرێن.