پۆلیسی هەولێر لە پشووەکانی سەری ساڵدا لە ئامادەباشیدایە

پەیامی کورد ... پۆلیسی هەولێر لە پشووەکانی سەری ساڵدا لە ئامادەباشیدایە

پۆلیسی پارێزگای هەولێر رایگەیاند، سەرجەم هێزە ئەمنییەكان لەپشووی سەری ساڵدا لەناو بازار و شوێنە گشتییەكان دەخرێنە حاڵەتی ئامادەباشییەوە بۆ رێگریكردن لەهەر روداوێكی نەخوزراو.

هۆگر عەزیز لە لێدوانێكی رۆژنامەوانیدا رایگەیاند: سەرەڕای ئەوەی بەگوێرەی بڕیاری وەزارەتی ناوخۆی حكومەتی هەرێم ئەمساڵ هیچ بۆنە و ئاهەنگێك لەشوێنە گشتییەكان، هۆتێل و چێشتخانەكان بەڕێوەناچێت، بەڵام بۆ پشوەكانی سەری ساڵ سەرجەم هێزە ئەمنییەكان لەناو بازار و شوێنە گشتییەكان لەئامادەباشیدا دەبن.

وتیشی: پۆلیسی چالاكییە مەدەنییەكان، نەهێشتنی تاوان، فریاكەوتن، پۆلیسی رێكاری سەربازی، پۆلیسی شارەوانی و سەرجەم هێزە ئەمنییەكان لەئامادەباشیدا دەبن.

هۆگر عەزیز جەختیلەوەشكردوەتەوە: ئێمە دڵنیاین خەڵكی شاری هەولێر پابەندن بەو رێنماییانەی دەرچون و هیچ كۆبونەوە و ئاهەنگێك بەڕێوەناچێت.