نرخی نەوت لە بازاڕەکانی جیهاندا

پەیامی کورد     ...    بە گوێرەی هەواڵی ئاژانسەكانی ئابووری لە جیهان بڵاویان كردەوە ئەمڕۆ هەینی ١٧ی ٠٧ی ٢٠٢٠  بە هۆی نادڵنیایی بازاڕ و کەمبوونەوەی خواستی نەوت، ئەمڕۆ نرخی نەوتی خاو لەبازاڕەکانی جیهاندا دابەزی و بە ٤٣.٢٦ دۆلار مامەڵەی پێوەکرا.
بەگوێرەی هەوالی ئاژانسی ڕۆیتەرز، ئەمڕۆ هەینی بەهۆی بەرزبوونەوەی ژمارەی تووشبوون بەکۆرۆنا لەسەرتاسەری جیهاندا کە بوەتە هۆی زیادکردنی نادڵنایی لەبارەی خواستی نەوت ، نرخی هەر بەرمیلێک نەوتی برێنت ١١ سەنت دابەزی کە ڕێژەی لەسەدا ٠.٣-ی نرخەکەیەتی و بەوەش نرخەکەی بۆ ٤٣.٢٦ دۆلار دابەزی.
هاوکات، نرخی نەوتی تەکساسی ئەمریکا ٤ سەنت دابەزی کەڕێژەی لەسەدا ٠.١-ی نرخەکەیەتی و بەوەش هەر بەرمیلێک بە ٤٠.٧١ دۆلار فرۆشرا.
ماوەی زیاتر لەمانگێکە ژمارەی تووشبوانی کۆرۆنا هەڵکشانی نائاسایی بەخۆوە دەبینێت، ئەوەش نادڵنیایی زیاتری لای بازرگانانی نەوت درووستکردوە، خواستی کڕین کەمیکردوە و ئەوەش بوەتەهۆی کەمبوونەوەی نرخەکەی.
هۆشدارییە بەردەوامەکانی رێکخراوی تەندرووستی جیهانی لەبارەی خراپتربوونی دۆخەکە و ئاڵۆزییەکانی نێوان ئەمریکا و چین کاریگەری راستەوخۆیان لەسەر کەمبوونەوەی نرخی نەوت هەیە.