پەرەسەندنی خۆکوشتنی مێرمنداڵان لە ڕۆژهەڵاتی کوردستان

پەیامی کورد... پەرەسەندنی خۆکوشتنی مێرمنداڵان لە ڕۆژهەڵاتی کوردستان

ڕۆژی دووشەممە ٢٣ی مەی ٢٠٢٢ دوو مێرمنداڵ بە ناوەکانی محەممەد بادرە تەمەن ١١ ساڵ و خەڵکی مەریوان و سینا خوڕانی تەمەن ١٦ ساڵ و خەڵکی شاری ئەیوان سەر بە پارێزگای ئیلام بە هۆکارێکی نادیار خۆیان هەڵواسیوە و کۆتاییان بە ژیانی خۆیان هێناوە.

بە پشتبەستن بە ئاماری تۆمار کراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی دوو مانگی ڕابردوودا (سەرەتای بەهارەوە) هەتا ئێستا لانی کەم ١٢ مێرمنداڵی تەمەن ژێر ١٨ ساڵ کە بریتین لە ٧ کوڕ و ٥ کچ لە شارە جیاوازەکانی کوردستان کۆتاییان بە ژیانی خۆیان هێناوە.

زیاترین ژمارەی خۆکوشتن لە شاری جوانڕۆ تۆمار کراوە کە ٣ حاڵەت بووە. هەروەها لە شارەکانی کۆتۆل، سەقز، کرماشان، سەڵماس، ئیلام، مەریوان، کامێران، پاوە و ئەیوان هەر کام یەک حاڵەتی خۆکوشتنی مێرمنداڵان تۆمار کراوە.