سەرۆکی هەرێمی کوردستان سەرەخۆشی لە گەلی کۆوەیت دەکات

پەیامی کورد  ...  سەرۆکی هەرێمی کوردستان سەرەخۆشی لە گەلی کۆوەیت دەکات

سەرۆکی هەرێمی کوردستان بەبۆنەی کۆچی دواییی میری کوێت، سەرەخۆشی لە گەلەکەی دەکات و دەڵێت، "ئێمە لە هەرێمی کوردستانی عێراق هاوبەشی خەم و پەژارەی ووڵاتی کوێتی دۆستین لەم ساتە سەختەدا."  

ئەمڕۆ شەممە، نێچیرڤان بارزانی، سەرۆکی هەرێمی کوردستان پەیامێکی سەرەخۆشی بەبۆنەی کۆچی دوایی میری کۆوەیت بڵاوکردەوە و ووتی: "سەرەخۆشی قووڵی خۆم ئاڕاستەی گەل و سەرکردایەتی ووڵاتی کۆوەیتی دۆست دەکەم بەبۆنەی کۆچی دوایی شێخ نەواف ئەحمەد جابر ئەلسوباح."  

سەرۆکی هەرێمی کوردستان دەشڵێت، "ئێمە لە هەرێمی کوردستانی عێراق هاوبەشی خەم و پەژارەی ووڵاتی کۆوەیتی دۆستین لەم ساتە سەختەدا. داواکارین لە خودای گەورە خوالێخۆشبوو بە بەهەشتی بەرین شاد بکات و سەبووری هەموو لایەک بدات."