سەرکردەیەکی داعش لە کەرکووک دەستگیر کرا

پەیامی کورد ... سەرکردەیەکی داعش لە کەرکووک دەستگیر کرا

وه‌زاره‌تى ناوخۆی عێراق رایگەیاند، ئەمڕۆ یەکشەممە هێزەکانیان سەرکردەیەکی سەربازی داعشیان لە نێو ماڵەکەی خۆیدا لە ناحیەی شوانی سه‌ربه‌ پارێزگاى كه‌ركوك دەستگیرکرد.

وه‌زاره‌تى ناوخۆ له‌ڕاگه‌یه‌ندراوێكدا ئه‌مڕۆ یەکشەممە ٢٧ی كانوونى یه‌كه‌مى ٢٠٢٠، له‌ماڵپه‌رى فه‌رمى خۆى بڵاویکردەوە، "هێزەکانى ده‌زگاى هه‌واڵگرى له‌ كه‌ركوك توانیویانە سەرکردەیەکی داعش دەستگیربکەن، کە فەرماندەیی فەوجی سەربازی و پۆلیسی داعش بووە لە کەرکوك و موسڵ".

بەپێی ڕاگەیاندراوەکە، دەستگیرکردنی ئەو سەرکردەیەی داعش لەسەر زانیاری پێش وەختە بووە و توانراوە لە نێو ماڵەکەی خۆی لە ناحیەی شوان دەستگیر بکرێت.