سەنای مام یووسف بە تاوانی بێڕێزیکردن بە هەڵەبجە دەست بەسەر و بەند کرا
پەیامی کورد ... سەنای مام یووسف بە تاوانی بێڕێزیکردن بە هەڵەبجە دەست بەسەر و بەند کرا
بە تاوانی سووکایەتیکردن بە هەڵەبجەی شەهید پۆلیسى هەڵەبجە بە هاوبەشى لەگەڵ پۆلیسى سلێمانى کچە مۆدێلێک لەشاری سلێمانى دەستگیر دەکەن و تا کۆتایی ئەم مانگە زیندانی دەکرێت.
لە راگەێندراوێکدا پۆلیسى پارێزگای هەڵەبجە رایگەیاند، ئەمڕۆ دووشەممە مەفرەزەی بنکەی پولیسی فریاکەوتنی هەڵەبجە لەشاری سلێمانی بەهاوکاری بەڕێوەبەرایەتی پولیسی پارێزگای سلێمانی و دەزگا ئەمنیەکانی تر تۆمەتبار (سەنا یووسف احمد) لەدایک بووی ١٩٩٤ دانیشتووی سلێمانی گوندی ئەڵمانی بەپێی ماددەی دووی خراپ بەکارهینانی ئامێری پەیوەندی کردن دەستگیر کرا .
ئاماژە بەوەشکراوە کە بەبڕیاری دادوەری لێکۆلینەوەی هەڵەبجە تۆمەتبار تا ٣٠ -٣- ٢٠٢٢ بەندکراوەو دۆسیەی لێکۆڵینەوەی لەبنکەی پۆلیسی شەهید سەرکار بۆ ڕێکخراوە.
سانا یووسف کە بە سانای مام یووسف ناسراوە کچە مۆدێلەو بەردەوام لە تۆڕە کۆمەڵایەتییەکان قسە لەسەر زۆر بابەت و پرس دەکات، لەچەند رۆژی رابردووشدا سەنا مام یوسف ئاماژەی بەوە کردوە کە سەدام حسێن کارێکى باشی کردوە کە هەڵەبجەی کیمیاباران کردوەو بریا زیاتری پێ بکردایە.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە