ئیتاڵیا و هۆڵەندا سزایان بەسەر ڕووسیادا سەپاند

پەیامی کورد... ئیتاڵیا و هۆڵەندا سزایان بەسەر ڕووسیادا سەپاند

ئیتاڵیا و هۆڵەندا سزایان بەسەر ڕووسیادا سەپاند و یەک ملیار و ٢٠٠ ملیۆن یۆرۆی سەرمایەدارانی ڕووسیایان بلۆک کرد.

ماریۆ دراگی، سەرۆک وەزیرانی ئیتاڵیا، لەبەردەم پەرلەمانی وڵاتەکەی ڕایگەیاند، دەسەڵاتدارانی ئیتاڵیا زیاتر لە ٨٠٠ ملیۆن یۆرۆی سەرمایەدارانی ڕووسیایان بلۆککردووە و ئەو هەنگاوەش لە چوارچێوەی سزاکانی یەکێتیی ئەورووپا بۆسەر ڕووسیادایە».

ئاماژەی بەوە کرد، «ئیتاڵیا بەردەوامە لە گەیاندنی هاوکارییە ماددی و مرۆیییەکان بە ئۆکراینا بە هەماهەنگی لەگەڵ هاوبەشەکانی لە یەکێتیی ئەورووپا».

هاوکات وەزیری دارایی هۆڵەندا ڕایگەیاندووە، «٤٠٠ ملیۆن یۆرۆی ڕووسیا لە هۆڵەندا بلۆککراوە».