زیاتر لە (١١) ھەزار ئەندامی هەدەپە لەتورکیا دەستگیرکراون

بەپێی راگەیندراوێکی هەدەپە، لەماوەی (٣) ساڵ و دوو مانگی رابردوودا، زیاتر لە (١١) ھەزار ئەندامی پارتەکەیان لەتورکیا دەستگیرکراون.
لە راگەیەنراوێکدا پارتی دیموکراتی گەلان، بڵاویکردووەتەوە، کە لەمانگی تەموزی ساڵی (٢٠١٥)وە تا مانگی شوباتی ئەمساڵ، یانزە ھەزارو (٦٣١) ئەندامی هەدەپە لەباکوری کوردستان و ناوچەکانی دیکەی تورکیا دەستگیرکراون.
هەدەپە ئاماژەی بەوەشکردووە، کە سێ ھەزارو (٣٨٢) ئەندامیان سزای زیندانیکردنیان بەسەردا سەپێنراوە، کە (٤٣) ھاوسەرۆکی پارتەکەیان لەشارەکان و زیاتر لە (١٠٠) ھاوسەرۆکی شارەوانییەکان لەناو دەستگیرکراوەکاندا هەن، هەروەها (٩) پەرلەمانتاری ھەدەپە مافی پەرلەمانتارییان لێ سەندراوەتەوەو دۆسیەی تاوانیش بۆ (٥٥) پەرلەمانتاری دیکە ئاراستەی دادگاکانی تورکیا کراون.