لە سێ ساڵدا ٦٧٤ کەسی مەدەنی لە عەفرین کوژراون
پەیامی کورد ... لە سێ ساڵدا ٦٧٤ کەسی مەدەنی لە عەفرین کوژراون
ڕێكخراوی مافەكانی مرۆڤی عەفرین ڕایدەگەیەنێت، لەساڵی ٢٠١٨وە تائێستا، كە دەوڵەتی توركیا و هاوپەیمانەكانی دهستیان بهسهر عهفریندا گرتوه، ٦٧٤ كەسی مەدەنی كوژراون و حهوت هەزار و ٣٤٣ كەسیش ڕفێنراون.
ڕێكخراوی مافەكانی مرۆڤی عەفرین ئاماری پێشێلكارییەكانی سوپای توركیا لەدژی دانیشتووانی كانتۆنی عەفرین لە ماوەی سێ ساڵی رابردوودا بڵاوكردەوە و ڕایگەیاندووە، دوای كۆچبەركردنی زیاتر لە ٣٠٠ هەزار هاووڵاتی ڕەسەنی عەفرین، ٤٠٠ هەزار كەسی خەڵكی ناوچهكانی دیكەی سوریا لە عەفرین نیشتەجێكراون.
ڕاشیگەیاندووە، لە ماوەی سێ ساڵی رابردوودا، ٦٧٤ هاووڵاتی مەدەنی كوژراون ، كه زۆرینهیان له ئەنجامی تۆپبارانی سوپای توركیا كوژراون و ٨٢ كەسیش بە ئەشكەنجە گیانیان لەدەستداوە، هەروەها ٧٠ ژنیش كوژراون و دەستدرێژی كراوهته سهر ٦٨ ژنی دیكەش.
رێكخراوی مافەكانی مرۆڤی عەفرین تەئكیدی كردەوە، لە ماوەی سێ ساڵی ڕابردوودا،٧ هەزار ٣٤٣ كەسی مەدەنی ڕفێنراوان و چارەنووسی زۆربەیان نادیارە، هەروەها هاوڵاتیە كوردەكان هەموو كاتێك رووبەرووی ڕفاندن دەبنەوە و لەبەرانبەر ئازادكردنیان داوای پارە دەكرێت.
رێکخراوەکە پشتڕاستیکردەوە زیاتر لە ٣١٤ هەزار و ٤٠٠ داری زەیتون و داری جوری دیکە، بڕاون و فروشراون و زیاتر کە ١١ هەزار داری زەیتونی و دارەکانی دیکە و ١١ هێکتار زەوی کشتوکاڵی سووتێنراون.
لەبارەی شوێنەوارە مێژووییەکاندا کە ئامارەکە لە بەڕێوەبەرایەتی شوێنەواری عەفرین وەرگیراوە هاتووه، زیاتر لە ٧٥ گردی مێژوویی تێکدراون.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە