Li Semsûrê erdhejeke bihêz çêbû

PeyamaKurd - Li bajarê Semsûrê yê Bakurê Kurdistanê, îro Pêncşemê danê êvarê erdhejeke bihêz çêbû.

Li gorî amarên Rêveberiya Rewşên Bilez û Karesatan AFADê erdhejê li demjimêr 18:25 deqeyan li devera Golbaşî ya navbera navçeya Besnî ya Semsûrê rû daye.

Pileya erdhejê wekî 4.1 hatiye pîvan ku kûrahiya wê ya binê erdê jî 6 km bûye. 

Li aliyê din Rasatxaneya Kandilli jî pileya erdhejê 4.0 û kûrahiya wê jî wekî 4 km pîvaye.