Encûmena Wezîran a Herêma Kurdistanê îro dicive

PeyamaKurd – Encûmena Wezîran a Herêma Kurdistanê, îro bi serokatiya Serokwezîr Mesrûr Barzanî dicive û derbarê amadebûna şanda wezarî ya Hikûmeta Herêma Kurdistanê di rûniştina Parlamentoya Kurdistanê de guftûgo dike.

Fermangeha Medya û Zanyariyan diyar kir, îro Encûmena Wezîran bi serokatiya Serokwezîrê Herêma Kurdistanê Mesrûr Barzanî û Cîgirê Serokwezîr Qubat Talebanî civîna xwe ya heftane li dar dixe.

Di civînê de, kurteyek derencama amadebûna şanda wezarî ya Hikûmeta Herêma Kurdistanê di rûniştina 28.6.2021 a Parlamentoya Kurdistanê de û rasperdeyên dawiyê yên rûniştina Parlamentoyê tên pêşkêşkirin.

Herwiha di civînê de, hin pirsên din ên taybet bi Hikûmeta Herêma Kurdistanê tên gotûbêjkirin, wek projeyasaya sererastkirina hin yasayên hin wezaretan, projeyasaya perwerde û xwendinê li Herêma Kurdistanê û biryara Encûmena Bilind a Aboriyê ya taybet bi rêkxistina dahata giştî û bacan.