دوو تێکهەڵچوونی چەکداری لە سنوورەکانی ڕۆژهەڵات ڕووی دا
پەیامی کورد ... دوو تێکهەڵچوونی چەکداری لە سنوورەکانی ڕۆژهەڵات ڕووی دا
لە سنوورەکانی مەریوان و پیرانشار دوو تێکهەڵچوونی چەکدارانە لە نێوان هێزەکانی سپای پاسداران و هێزە کوردستانییەکان هاتە ئاراوە.
بەپێی ڕاپۆرتی ڕێکخراوی مافی مرۆڤی هەنگاو، نیمەڕۆی شەممە ١٢ی ئەیلوول، لە بەرزاییەکانی گوندی هەورامان و لە نزیک پایگای ژاڵانە تێکهەڵچوونێکی چەکدارانە لەنێوان هێزەکانی سپای پاسداران و حیزبێکی کوردستانی هاتووەتە ئاراوە.
بە وتەی سەرچاوەیەکی ئاگادار، دوولایەنی شەڕ لەو تێکهەڵچوونەدا خەساری گیانییان نەبووە و هێزەکانی سپا دوای تێکهەڵچوونەکە بە چەکی قورس بەرزاییەکانی ئەو ناوچەیان کردووەتە ئامانج.
لەلایەکی دیکەوە، شەوی هەینی تێکهەڵچوونێکی چەکدارانە لە نێوان حیزبێکی کوردستانی و هێزەکانی سپای پاسداران لە بەرزاییەکانی سنووری کانی خودا سەر بە پیرانشار هاتووەتە ئاراوە.
هەتا کاتی ئامادە کردنی ئەم هەواڵە زیانە گیانییەکانی دوو لایەنی ئەو شەڕە نەزانراوە.