بەپەلە ... بانکی خوێن بانگەوازییەکی بەپەلە ئاراستەی خەڵک دەکات

بەڕێوبەرایەتی گشتی تەندرووستی هەولێر سەبارەت بە کەمبوونەوەی خوێنی جۆری "  o - " لە بانکی خوێن ، بانگەوازێکی بەپەلەی بڵاوکردوەتەوە و داوا لە هاووڵاتیان و خێرخوازان دەکات ئەوانەی لەو جۆرە خوێنەیان هەیە ، بیبەخشن .

لە بانگەوازییەکەی بەڕێوبەرایەتی گشتی تەندرووستی هەولێردا هاتووە : کە بەڕێوبەرایەتی بانکی خوێن لە هەولێر زۆر پێویستی بە بە خوێنە لە جۆری "  o - " و باڵانسی ئەو جۆرە خوێنە لە بانکی خوێنی هەولێر زۆر دابەزیوە ، تکایە ئەوانەی خوێنیان لەو جۆرەیە خوێن ببەخشن .

هەروەها لە بانگەوازەکەدا ئاماژە بەوەش کراوە ، تەنها لە سنووری هەولێر ڕۆژانە زیاتر لە " ٣٠٠ " بۆتڵی جۆراوجۆر خوێن و پێکهاتەکانی بۆ نەخۆشانی نەخۆشخانە  حکومی و ئەهلییەکان خەرج دەکرێت.