نرخی دۆلار لەبازاڕەکانی هەرێمی کوردستان دابەزی

پەیامی کورد... نرخی دۆلار لەبازاڕەکانی هەرێمی کوردستان دابەزی

لەکاتی کردنەوەی بازاڕەکانی دراو لە هەرێم، ئەمڕۆ نرخی دۆلار بەرامبەر بە دیناری عێراقی دابەزی.

ئەمڕۆ پێنجشەممە18ی کانونی دووەم، نرخی 100دۆلار بەرامبەر بە 151 هەزار و 500 دیناری عێراقی لە بازاڕەکانی هەرێم مامەڵەی پێوەدەکرێت.

بانکی ناوەندی عێراق، هەموو هەوڵێک بۆ بەرزکردنەوەی بەهای دینار بەرامبەر بە دۆلار دەدات، بەراورد بە دوێنێ کاتی کردنەوەی بازاڕ ئەمڕۆ نرخی دۆلار بەرامبەر بە دیناری عێراقی ڕووی لە دابەزین کردووە.

هاوکات، ڕۆژی دووشەممە15ی کانونی دووەم، بانکی ناوەندی عێراق، لەبارەی دانەوەی قەرزەکانی پێش ساڵی 2024 بڕیارێکی نوێی دەرکرد و ڕایگەیاند، ئەو کەسانەی پێش ساڵی 2024 بە دراوی بیانی قەرزیان کردووە، دەبێت بە دینار بیدەنەوە بە بانکەکان و بەنرخی فەرمی بۆیان هەژمار دەکرێت، کە 100 دۆلار بەرامبەرە بە 132 هەزار دیناری عێراقی، لەکاتێکدا ماوەی چەند مانگێکە بانکی ناوەندی عێراق بەمەبەستی جێگیرکردنی بەهای دۆلار بەرامبەر بە دینار چەندین ڕێکاری گرتووەتەبەر.