عێراق، داهاتی نەوتی مانگی ڕابردوودا ئاشکرا دەکات

پەیامی کورد... عێراق، داهاتی نەوتی مانگی ڕابردوودا ئاشکرا دەکات

وەزارەتی نەوتی عێراق ڕای دەگەیێنێت، داهاتی نەوتی مانگی ڕابردوو، ١٠ ملیار دۆلاری تێ پەڕاندووە.

ئەمڕۆ دووشەممە ١ی ئاب_ی ٢٠٢٢ وەزارەتی نەوتی عێراق، داهاتی نەوتی لە مانگی تەممووزی ڕابردوودا بڵاو کردەوە و ئاشکرای کرد، ١٠.٦ ملیار دۆلار لە فرۆشتنی نەوت بەدەستهاتووە.

ئاماژە بەوەش کراوە، مانگی ڕابردوو کۆمپانیای سۆمۆ ١٠٢ ملیۆن و ٣٥٨ هەزار و ٤٩ بەرمیل نەوتی فرۆشتووە، داهاتەکەیان ١٠ ملیار و ٦٠٨ ملیۆن دۆلار بووە.

باس لەوەش کراوە، لە کێڵگەکانی ناوەڕاست و باشوورەوە ٩٩ ملیۆن و ٩٦٥ هەزار و ٩٤ بەرمیل نەوت فرۆشراون و نەوتی فرۆشراوی کەرکووک لە مانگی تەممووزدا دوو ملیۆن و ٣٤٤ هەزار و ٥٣٦ هەزار بەرمیل بووە.

ئەوەش خراوەتە ڕوو، مانگی تەممووز لە هەر ڕۆژێکدا سێ ملیۆن و ٣٠٣ هەزار بەرمیل نەوت فرۆشراون و تێکڕای نرخی بەرمیلێک نەوت ١٠٣ دۆلار و ٦٠ سەنت بووە.