بەغدا/ لە هێرشێکی داعش دا پێنج ئەندامی حەشدی شەعبی و ٦ هاووڵاتی مەدەنی کوژران

پەیامی کورد ... بەغدا/ لە هێرشێکی داعش دا پێنج ئەندامی حەشدی شەعبی و ٦ هاووڵاتی مەدەنی کوژران

چەکدارانی داعش لە ناوچەی رەزوانییە هەڵکەوتوو لە رۆژئاوای بەغدا هەڵیانکوتایە سەر خاڵێکی پاسەوانیی هێزەکانی حەشدی شەعبی و بەهۆیەوە ١١ کەس کوژران.

سەرچاوەیەكی ئەمنی عێراق بە ئاژانسی فرانس پرێسی راگەیاندووە، لە هێرشەکەدا پێنج ئەندامی حەشدی شەعبی و شەش هاوڵاتی مەدەنی کوژراون.

ئەو سەرچاوە ئەمنیە ئەوەشی خستووەتەڕوو، چەکدارەکانی داعش بە نارنجۆک هێرشیانکردووە و دواتر تەقەیان لە هێزەکانی حەشد کردووە.

هەروەها، سەرچاوەیەکی تەندروستیش بە هەمان ئاژانسی راگەیاندووە، کە هەشت برینداری رووداوەکە بۆ نەخۆشخانەیەکی بەغدا گوێزراونەتەوە.