ژمارەی تەرمی پەنابەران لە سنووری ئەدیرنە گەیشتە ١٩ کەس

پەیامی کورد... ژمارەی تەرمی پەنابەران لە سنووری ئەدیرنە گەیشتە ١٩ کەس

گەڕان لە ناوچەی سنووری ئەدیرنە لە باکووری کوردستان درێژەی هەیە، ئیدارەی پارێزگای ئەدیرنە باسی لە دۆزرانەوەی ٧ تەرمی دیکە لە ناوچەی ئیپسالا کرد.

ڕۆژنامەی جمهوورییەت هەواڵێک بەناوی "کارەساتی مرۆیی" لە ئەدریرنە بڵاو کردووەتەوە کە لە زاری فەرمانداری ئەدیرنە ڕای گەیاندووە: لە گەڕانی ڕۆژی ڕابردووی جەندەرمە و ڕێکخراوی پێشگیری لە ڕووداوەکان، ژمارەی تەرمە دۆزراوەکان لە پەنابەران لە سنووری ئەدیرنە گەیشتووەتە ١٩ کەس.

تەرمی هەموو کەسە دۆزراوەکان تا ئێستا هەر هەموویان پیاو و سەرووی ١٨ ساڵ بوون. بەم حاڵەوە شوناس و ڕەگەزی هیچ یەکە لە تەرمەکان تا ئێستا دیاری نەکراوە و بۆ ناسینەوەیان ڕەوانەی پزیشکی دادی ئیستەنبوڵ کراون.