دەستبەسەر کرانی ٣٤ پەناخواز لە تورکیا

پەیامی کورد ... دەستبەسەر کرانی ٣٤ پەناخواز لە تورکیا

هێزەكانی توركیا ٣٤ پەناخوازیان لە رۆژئاوای ئەو وڵاتە دەستبەسەر کردووە.

لە نزیك كەناراوەكانی شارۆچكەی ئایڤاجك لە پارێزگای چانككالە، ٣٤ پەناخواز لەلایەن هێزەكانی كەناراوەكانی توركیاوە دەستبەسەر کراون كە لەلایەن ئاسایشی كەناراوەكانی یۆنانەوە بەرەو سنوورە ئاوییەكانی توركیاوە ڕەوانە کرابوونەوە.

دوای دەستبەسەر کردنی كۆچبەرەكان كە تائێستا رەگەزنامەیان ئاشكرا نەكراوە، گواسترانەوە بنكەی ئاسایشی كەناراوەكانی سەر بە ناحیە كوچوككویو لە ئایڤاجیك.