وەزارەتی دارایی و ئابووری هەرێمی کوردستان چەند بڕیارێکی تایبەت بە مووچە دەردەکات

پەیامی کورد     ...    وەزارەتی دارایی و ئابووری هەرێمی کوردستان چەند بڕیارێکی تایبەت بە مووچە دەردەکات

وەزارەتی دارایی و ئابووری حكوومه‌تی هه‌رێم چەند بڕیارێکی تایبەت بە مووچە بۆ کارمەندی بانکەکان، کاس وکاری شەهیدان، خانەنشینان و چه‌ند توێژێكی تر دەركرد.

بە پێی ئەو راسپاردە و بڕیارانەی، کە وەزارەتی دارایی هەرێم بۆ گەنجینەکانی ناردووە، ئاماژەی بەوەداوە، کە لەسەر رۆشنایی بریاری ئەنجوومەنی وەزیران ژمارە ٧٧ لە ٧ی١٠ی٢٠٢٠، مووچەی مانگی ٩ی٢٠٢٠، (کەس و کاری شەھیدان و ئەنفالکراوان، مووچەی زیندانیانی سیاسی و مووچەی زیندانیانی سیاسی) بەھەمان میکانیزمی مانگەکانی پێشوو خەرج بکرێت.
هه‌روه‌ها روونیشكراوه‌ته‌وه‌، مووچەی مانگی ٩ی٢٠٢٠ی خانەنشینان بەھەمان میکانیزمی مانگەکانی پێشوو خەرج بکرێت تەنھا گۆرانکاری لە رێژەی سەدا ٢١٪‏ بۆ رێژەی سەدا ١٨٪‏ بکرێت.
هاوكات وەزارەتی دارایی لەبڕیارێکی دیکەدا باسی له‌وه‌كردووه‌،"لەسەر راسپاردە و فەرمانی وەزیری دارایی زیادەی مووچەی مانگی ٤ی٢٠٢٠ بۆ بانکەکان لەگەڵ مووچەی مانگی ٩ی٢٠٢٠، بە رێژەی سەدا ٨٢٪‏ خەرج بکرێت جگە لە پلە تایبەت بە رێژەی سەدا ٥٠٪‏ خەرج بکرێت".