هەواڵگریی عێراق لە ١٠ مانگدا ١١ هەزار کەسی دەستبەسەر کردووە

پەیامی کورد ... هەواڵگریی عێراق لە ١٠ مانگدا ١١ هەزار کەسی دەستبەسەر کردووە

 هه‌واڵگری وه‌زاره‌تی ناوخۆی عێراق، ئه‌مڕۆ سێشه‌ممه‌ ٢٤ی تەشرینی دووەمی ٢٠٢٠ له‌ لێدوانێكی رۆژنامه‌وانیدا بڵاویكرده‌وه‌: له‌ ماوه‌ی ١٠ مانگی رابردوودا‌  ١١ هه‌زار كه‌سیان ده‌ستگیر كردووه‌.

ئه‌بو عه‌لی به‌سری، به‌ڕێوه‌به‌ری شانه‌ی (القصور) لە هه‌واڵگری عێراق ڕایگەیاند: له‌ ماوه‌ی ١٠ مانگی رابردوو‌دا توانیومانە، نزیكه‌ی ١١ هه‌زار داواكراو و تۆمه‌تبار ده‌ستگیر بكه‌ین.

به‌ڕێوه‌به‌ری شانه‌كه‌ی هه‌واڵگری عێراق زیاتر گوتی: دەستگیركراوەكان تۆمەتباربوون به‌ كرده‌وه‌ی تیرۆرستی، تاوانی كوشتن، ساخته‌كاری، گێچەڵی ئه‌لیكترۆنی و مادده‌ هۆشبه‌ره‌كان.