لۆبنان لە سەر ئەم بابەتە هۆشداری دەداتە ئیسرائیل

پەیامی کورد   ...  لۆبنان لە سەر ئەم بابەتە هۆشداری دەداتە ئیسرائیل

لۆبنان سەبارەت بە دەرهێنانی گاز لە ڕۆژهەڵاتی مەدیتەرانە هۆشداری دەداتە ئیسرائیل

لۆبنان دوێنێ یەکشەممە سەبارەت بە هەرجۆرە " هەنگاوی شەڕئەنگێزانە " لە ئەو ئاوە کێشە لەسەرانەی ڕۆژهەڵاتی دەریای مەدیتەرانە،هۆشداری دایە ئیسرائیل .

ئەم هۆشدارییە لە دوای ئەوەوە خرایە ڕوو کە کەشتییەک بە نوێنەرایەتی ئیسرائیل ەوە چووەتە ئەو سنوورەی کە هەر دوو لایەن بەو هیوایەن کە گازی لێ دەربهێنن .

میشیل عۆن ، سەرۆککۆماری لۆبنان ووتی کە هەر جۆرە چالاکییەک لە ناوچەی کێشە لەسەر وەکوو هەنگاوی دوژمنکارانە لەقەڵەم دەدرێت .

ئیسرائیل دەڵێ ئەم مەیدانە گاز ییە لە ئاوەکانی کێشە لەسەر نییە بەڵکوو لە ناوچەی ئابووری تایبەتمەندی ئیسرائیل دایە .

عۆن لەم بەیاننامەیەدا ڕایگەیاند کە بابەتی جوونی کەشتی کۆمپابیای " ووزە " ی لەگەڵ نەجیب میقاتی ، کەفیلی سەرۆکوەزیرانی لۆبنان ، خستووەتە ڕوو و داوای لە فەرماندەی ئەرتەش کردووە تاکوو داتاگەلی ڕێک و پێک و فەرمی دەربارەی ئەم ڕووداوە بخاتە بەر دەستی ئەو .

سەرۆککۆماری لۆبنان دەڵێ گفتووگۆوەکان بۆ دیاری کردنی بابەتی سنووری دەریایی باشووری ئەم ووڵاتە لەگەڵ ئیسرائیل بەردەوامی هەیە و هەر جۆرە هەنگاو یا چالاکییەک لە ناوچەی کێشە لەسەر ، هەنگاوێکی شەڕئەنگێزانە و دوژمنکارانە هەژمار دەکرێت .

بە پێی ڕاپۆرتی ئاژانسی هەواڵی ڕۆیتەرز دەوڵەتی ئیسرائیل هێشتا لەمبارەیەوە هیچ کاردانەوەیەکی بەرامبەر بە هۆشدارییەکەی میشل عۆن نیشان نەداوە .