تووشبوانی کۆرۆنا لە جیهاندا ٥١ میلیۆنی تێپەڕاند

پەیامی کورد ... تووشبوانی کۆرۆنا لە جیهاندا ٥١ میلیۆنی تێپەڕاند

ژمارەی توشبوانی کۆرۆنا بەخێرایی بەرزدەبێتەوە، کۆی توشبوانی پەتاکەش لە جیهاندا گەیشتە ٥١ ملیۆن و ٢٤٤ هەزار کەس.

بەگوێرەی دوایین ئامار ژمارەی توشبوانی ڤایرۆسی کۆرۆنا لە جیهان، تا بەرەبەیانی ئەمڕۆ سێشەممە گەیشتوەتە ٥١ ملیۆن و ٢٤٤ هەزار و ٥٨٧ کەس، لەو ژمارەیەش ٣٦ ملیۆن و ٥٥ هەزار و ٥٣٢ کەس چاکبونەتەوە و ملیۆنێک و ٢٦٩ هەزار و ٣٢١ کەسیش گیانیانلەدەستداوە.

لەسەر ئاستی جیهان ژمارەی توشبوان لە ویلایەتە یەکگرتوەکانی ئەمریکا بەخێرایی بەرزدەبێتەوە، بەجۆرێک کۆی توشبوانی پەتاکە گەیشتوەتە ١٠ ملیۆن و ٤٢١ هەزار و ٩٥٦ توشبو، هەروەها لەسەر ئاستی رۆژهەڵاتی ناوەڕاست ئێران بە تۆمارکردنی  ٦٩٢ هەزار و ٩٤٩ توشبوو زۆرترین کاریگەری پەتاکەی تێدا دەرکەوتوە.