دەستگیرکرانی زیاتر لە ٧٠٠ ئەندامی هەدەپە لە یەک ڕۆژدا

پەیامی کورد … دەستگیرکرانی زیاتر لە ٧٠٠ ئەندامی هەدەپە لە یەک ڕۆژدا

هێزه‌ ئه‌منییه‌كانی توركیا له‌ هه‌ڵمه‌تێكدا زیاتر له‌ ٧٠٠ ئه‌ندام و لایه‌نگری پارتی دیموكراتی گه‌لان (هه‌ده‌په‌)یان ده‌ستگیركرد.

به‌پێی میدیای فه‌رمی توركیا هه‌ڵمه‌ته‌كه‌ له‌ یه‌ك كاتدا و له‌ ٨١ ناوچه‌ی ئه‌و وڵاته‌ به‌ڕێوه‌چووه‌ و ٧١٨ ئه‌ندام و لایه‌نگری هه‌ده‌په‌ ده‌ستبه‌سه‌ركراون.

تۆمه‌تی ئه‌و كه‌سانه‌ لایه‌نگرییه‌ بۆ پارتی كرێكارانی كوردستان (په‌كه‌كه‌) تۆمه‌تێك كه‌ به‌هۆیه‌وه‌ له‌ پێنج ساڵی رابردوودا ده‌یان سه‌ركرده‌ و هه‌زاران ئه‌ندامی هه‌ده‌په‌ راپێچی گرتووخانه‌ كراون.

هه‌ڵمه‌تی ئه‌مجاره‌ی هێزه‌ ئه‌منییه‌كانی توركیا بۆ سه‌ر ئه‌ندام و لایه‌نگرانی هه‌ده‌په‌ ته‌نها چه‌ند رۆژێك دوای ئه‌وه‌ دێت كه‌ سوپای ئه‌و وڵاته‌ له‌ هێرشه‌كه‌یدا بۆ سه‌ر چیای گاره‌ له‌ پارێزگای دهۆك به‌هۆی به‌رگریی گه‌ریلاكانی په‌كه‌كه‌وه‌ ناچار به‌ پاشه‌كشێ كرا.