لە پاڵاوگەیەکی نەوتی ئێران تەقینەوەیەک روویدا

ئەمڕۆ لە پاڵاوگەیەکی نەوت لە بەندەر عەباسی باشووری رۆهەڵاتی ئێران تەقینەوەیەک روویدا و کوژراو و برینداری لێکەوتەوە.

میدیاکانی ئێران بڵاویانکردەوە، ئەمڕۆ پێنجشەممە تەقینەوەیەک لە پاڵاوگەیەکی نەوت لە بەندەر عەباسی ناوەندی پارێزگای هورمزگان لە باشووری رۆژهەڵاتی ئێران روویداوە و بەهۆیەوە ئاگرێکی گەورە کەوتووەتەوە.

ئاشکراشیانکرد، تەقینەوەکە کوژراو و برینداری لێکەوتووەتەوە، بەڵام تا ئێستا بە دیاریکراوی ژمارەیان نەزاندراوە.

تا ئێستا بە فەرمی هۆکاری تەقینەوەکە ئاشکرانەکراوە، بەشێک لە میدیاکانیش باسیان لەوە کردووە ئەگەری هەیە بەهۆی هێرشێکەوە بووبێت.