سەربازێکی دیکەی فەرەنسی لە هەولێر گیانیلەدەستدا

پەیامی کورد... سەربازێکی دیکەی فەرەنسی لە هەولێر گیانیلەدەستدا


وەزارەتی بەرگری فەرەنسا رایگەیاند، ئەمڕۆ دووشەممە، سەربازێکی فەرەنسی دوای ئەوەی لەکاتی مەشقکردن بە هێزە عێراقییەکان، برینداربوو، گیانیلەدەستدا و ئەوەش دووەم رووداوی مردنە لەم هەفتەیەدا.

وەزارەتی بەرگریی فەرەنسا لە راگەیەندراوێکدا ئاماژەی بەوەکردووە، “ئەو سەربازە ناوی (نیکۆلاس لاتورتێ)یە، دوای برینداربوونی بەهۆی سەختی برینەکەیەوە گیانیلەدەستداوە.

ئاماژەی بەوەشکردووە، “برینەکەی سەخت بووە و بە هەلیکۆپتەر گواستراوەتەوە بۆ شاری هەولێر، لەوێ گیانیلەدەستداوە”.

بەر چەند رۆژێک سەربازێکی دیکەی فەرەنسا لەکاتی راهێنان بە هێزە عێراقییەکان تووشی رووداوی هاتوچۆ بوو و دوای گواستنەوەی بۆ نەخۆشخانە لە هەولێر و ئەنجامدانی نەشتەرگەری گیانیلەدەستدا.