بەڕێوەبەرایەتیی کارەبای هەولێر باس لەوە دەکات کە ڕۆژانە ١٩ کاتژمێر کارەبا بۆ هاووڵاتیان دابین دەکەن

پەیامی کورد ... بەڕێوەبەرایەتیی کارەبای هەولێر باس لەوە دەکات کە ڕۆژانە ١٩ کاتژمێر کارەبا بۆ هاووڵاتیان دابین دەکەن

بەڕێوەبەری کارەبای ھەولێر رایگەیاند، ڕۆژ بە ڕۆژ بەرھەمی کارەبا لە زیادبووندایە و ئێستا ڕۆژانە بەگشتی ١٩ كاتژمێر کارەبا دەدەن و چاوەڕێدەکرێت لە رۆژانی داھاتووشدا زیاتر بکرێت.

حوسێن حەمەد، بەڕێوەبەری کارەبای ھەولێربە ماڵپەڕی فەرمیی پارتی راگەیاندووە، "ڕۆژ بە ڕۆژ بەرھەمی کارەبا لە زیادبووندایە و ئێستا ڕۆژانە بەگشتی ١٩ كاتژمێر کارەبا دەدەین و چاوەڕێ دەکرێت لە رۆژانی داھاتوودا زیاتر بکرێت، ئەمەش بەھۆی جێبەجێکردنی چەندین پڕۆژە و چەندین پڕۆژەی دیکەش لە جێبەجێکردندان ."

راشیگەیاند، "لەبەر ئەوەی خواست لەسەر کارەبا کەمبووەتەوە پێشبینی دەکرێت لەم وەرزەدا كاتژمێرەكانی کارەبا زیاتریش بێت و ھەموو ھەوڵێکیش دەدەین زۆرترین كاتژمێر کارەبا بدەینە ھاوڵاتیان."

ئاماژەی بەوەشكردووە، "چەندین پڕۆەی کارەبا لە سنووری ھەولێر جێبەجێکراون و کەوتوونەتە کار و چەندین پڕۆژەی دیكەش لەجێبەجێکردندان، لەوانەی وێستگەی شێروان مەزن و وێستگەی مۆنۆمێنتی شەھیدان لە کەسنەزان و وێستگەی ئازادیی نوێ لە ھەولێر و وێستگەی موبایل شەمامک و وێستگەی موبایل دارەشەکران."