ئەردۆغان سەردانی سعوودیە دەکات

پەیامی کورد... ئەردۆغان سەردانی سعوودیە دەکات

سەرۆککۆماری تورکیا، لەسەر بانگهێشتی شای سعوودیە، سەلمان بن عەبدولعەزیز سەردانی ڕیاز دەکات.

بەگوێرەی ڕاگەیەندراوێکی فەرمانگەی پەیوەندییەکان لە سەرۆکایەتی کۆماری تورکیا لەمیانی کۆبوونەوەکانی سەردانەکەی ئەمڕۆ و سبەیدا، چاوپێداخشاندنەوە بە پەیوەندییەکانی تورکیا و سعوودیە دەکرێت و ئەنجامدانی کاری زیاتری پێکەوەیی تاوتوێ دەکرێت.

بەگوێرەی ڕاگەیەندراوەکە بێت، هەر لە کۆبوونەوەکاندا جگە لە تاوتوێکردنی پەیوەندییە دووقۆڵییەکان لەبارەی دوایین پێشهاتە ناوچەیی و نێودەوڵەتییەکان، هەر دوو لا ئاڵوگۆڕی بیروڕای یەکتر دەکەن.

لەدوای کوژرانی (جەمال خاشقچی) ڕۆژنامەنووسی سعوودی لە باڵیۆزخانەی (ڕیاز) لە ئیستەنبوڵ-ی تورکیا لە ساڵی 2018، پەیوەندییەکانی نێوان تورکیا و سعوودیە گرژی و ئاڵۆزی تێ کەوت، سەردانەکەی ئەمڕۆی ڕەجەب تەییب ئەردۆغان-یش بە یەکەم سەردانی فەرمی هەژمار دەکرێت بۆ سعوودیە لە دوای ئەو ڕووداوە.