تەرمی عەلی قازی کوڕەکەی پێشەوا قازی محەممەد لە کەلار بەخاکسپێردا

پەیامی کورد... تەرمی عەلی قازی کوڕەکەی پێشەوا قازی محەممەد لە کەلار بەخاکسپێردا

تەرمی عەلی قازی کوڕی پێشەوا قازی محەممەد هێنرایەوە باشووری کوردستان و لە کەلار بەخاکسپێردا.

عەلی قازی لە وڵاتی ئەڵمانیا کۆچی دوایی کردووە و دوای هێنانەوەی تەرمەکەی بۆ هەولێر و پاشان سلێمانی، ڕەوانەی کەلار کرا و لە ڕێوڕەسمێکدا لە گۆڕستانی سەردار بەگی جاف بەخاکسپێردا.

تەرمی عەلی قازی ئەمڕۆ لە ڕێوڕەسمێکی تایبەتی و بە بەشداری بەرپرسانی حکومەتی و هەروەها نوێنەرانی حیزبەکانی هەر چوار پارچەی کوردستان لە ئەڵمانیاوە هێنرایەوە هەولێر.

عەلی قازی دووەم ڕۆڵەی پێشەوا قازی محەممەدە کە لە کەلار بە خاک بسپێررێت و لە ساڵی ٢٠٢٠دا، تەرمی مریەم پێشەوا قازی محەممەد هاوژینی سەردار بەگی جاف، لە گۆڕستانی سەردار بەگی جاف لە کەلار بەخاکسپێرراوە.