نێچیرڤان بارزانی سەرۆکی هەرێمی کوردستان پێشوازی لە کونسووڵی گشتی کۆریای باشوور دەکات

پەیامی کورد     ...   نێچیرڤان بارزانی سەرۆکی هەرێمی کوردستان پێشوازی لە کونسووڵی گشتی کۆریای باشوور دەکات

پێشنیوەڕۆى ئەمڕۆ چوارشەممە 29/7/2020  نێچیرڤان بارزانى، سەرۆکى هەرێمى کوردستان، پێشوازى لە چۆی کوانژین کونسووڵی گشتی کۆریاى باشوور لە هەرێمى کوردستان کرد.

لە دیدارێکدا بڵاوبوونەوەى پەتاى ڤیرووسى کۆرۆنا لە هەرێمى کوردستان و لێکەوتەکانى بەتایبەتى لە بوارى ئابووریدا، چۆنیەتی بەرەنگاربوونەوەى، ئەزموونى سەرکەوتووى کۆریاى باشوور لە چۆنیەتی مامەڵەکردن لەگەڵ پەتاکەدا، کێشەکانى هەولێر ـ بەغدا و گفتوگۆى چارەسەرکردنیان، پەیوەندییەکانى هەرێمى کوردستان لەگەڵ کۆریاى باشوور و چەند پرسێکى دیکەیان تاوتوێ کرد.

هەردوولا جەختیان لە پتەوکردنى پەیوەندییەکانى هەرێمى کوردستان و کۆریا و دەرفەتى کار و وەبەرهێنانى کۆرى لە هەرێمى کوردستان کردەوە، هه‌روه‌ها كونسوولى گشتی كۆریا ستایشى ڕۆڵى هه‌رێمى كوردستانى له‌ هه‌وڵدان بۆ چاره‌سه‌ركردنى كێشه‌كان له‌گه‌ڵ حكوومه‌تى فیدرالى عێراق كرد.