تورکیا جاریکی دیکە باشووری کوردستان بۆمباران دەکات

پەیامی کورد      ...    تورکیا جاریکی دیکە باشووری کوردستان بۆمباران دەکات 

فڕۆکە جەنگییەکانی تورکیا ناوچەکانی سەر بە " شارباژێڕیان لە باکووری پاریزگای سلیمانی بە بیانووی هەبوونی ئەندامانی پەکەکە جارێکی دیکە تۆپباران کرد 

قائیمقامی قه‌زای ماوه‌ت رایگه‌یاند، ئه‌مڕۆ دووجار فڕۆكه‌ جه‌نگیه‌كانی توركیا بۆردومانی سنووره‌كانی قه‌زای ماوه‌تیان كردوه‌ و زه‌ره‌ر و زیانێكی زۆریش به‌ر به‌رهه‌می جووتیارانی سنووره‌كه‌ كه‌وتوه‌، ئاگرێكی گه‌وره‌ش كه‌وتوه‌ته‌وه‌ و تا ئێستا كۆنتڕۆڵ نه‌كراوه‌.

كامه‌ران حه‌سه‌ن، قائیمقامی قه‌زای ماوه‌ت رایگەیاند، كاتژمێر 11:00ی پێشنیوه‌ڕۆی ئه‌مڕۆ دووجار فڕۆكه‌ جه‌نگییه‌كانی توركیا سنووری قه‌زای ماوه‌تیان لە نزیکی گوندی " کلاڵە " بۆردومانكرد کە ئەم بۆمبارانانە ئاگرێكی گه‌وره‌ كه‌وتوه‌ته‌وه‌، زیانێكی زۆریش به‌ر كشتوكاڵی هاووڵاتیان كه‌وتوه‌.

ئاماژەی بەوەشکرد، له‌ بۆردومانه‌كه‌دا هه‌ردوو گوندی كوێره‌كانی و ده‌شتی ژاژۆڵان كراونه‌ته‌ ئامانج، كه‌ سێ كیلۆمه‌تر له‌ ناوچه‌ی گه‌ڵاڵه‌وه‌ دوورن.

قائیمقامی قه‌زای ماوه‌ت باسی لەوەشکردوە، بۆردومانه‌كان زه‌ره‌ر و زیانی گیانی نه‌بوه‌، به‌ڵام زیانێكی زۆر به‌ر باخ و ره‌ز و دارستانی هاوڵاتیان كه‌وتوه‌، هه‌نگ و بنێشتی به‌شێك له‌جوتیاران زه‌ره‌ر و زیانیان به‌ركه‌وتوه‌.
رونیشیکردەوە، تیمه‌كان سه‌رقاڵی كۆنترۆڵكردنی ئاگره‌كه‌ن، به‌ڵام به‌هۆی فراوانیه‌وه‌ نه‌توانراوه‌ تا ئێستا كۆنتڕۆڵ بكرێت.