Erdogan û Biden li Vilniusê civiyan

PeyamaKurd – Serokê Amerîka Joe Biden û Serokomarê Tirkiyê Recep Tayyip Erdogan, di çarçoveya Lûtkeya NATO ya li paytexta Lîtvanya Vilniusê de, hevdîtinek pêk anîn.

Di destpêka civîna Erdogan û Biden de ku şandên herdu aliyan amadehî kirin, Erdogan ji ber peyama pîrozkirina hilbijartinan spasiya Biden kir û bal kişand ser ku di çarçoveya mekanîzmeya stratejîk de dora hevdîtina di asta serokan de hatiye.

Erdogan herwiha ji bo hilbijartinên 2024an ên seroktiya Amerîkayê jî serkeftin ji Joe Biden re xwest.

Tê çaverêkirin ku di civînê de, hejmarek mijarên girêdayî pêwendiyên herdu welatan de bên gotûbêjkirin ku yek ji wan mijaran firotina F-16an bo Tirkiye ye û Biden beriya niha piştgiriya xwe ragihandibû.