لە بۆسەیکی داعش بۆ سەر سوپای عێراق چەندین کەس کوژران و بریندار بوون
پەیامی کورد ... لە بۆسەیکی داعش بۆ سەر سوپای عێراق چەندین کەس کوژران و بریندار بوون .
بە پێێ زانیارییەکان پاشنیوەڕۆی ئەمڕۆ لە قەزای داقوقی باشووری كەركووك سوپای عێراق كەوتنە بۆسەیەكی داعشەوە و دوو سەربازی عێراق كوژراون و ٥ی دیكە ش برینداربوون.
سوپای عێراق، هەڵمەتێكی كێوماڵكردنیان لە گوندی تەللبوسەل-ی قەزای داقۆق و دەورووبەری ئەنجامدا، بەمەبەستی گرتن و راوەدوونانی ئەو چەكدارانەی داعش كە شەوی رابردوو لە ناوچەكە زیانیان لە سوپای عێراق گەیاندبو. بەڵام كەوتنە بۆسەیەكی داعشەوە و بەو هۆیەوە ژمارەیەك كەس كوژران و برینداربوون.
كارگێڕی كۆمیتەی یەكێتی لە داقۆق ، عادل ئەحمەد رایگەیاند،"پاشنیوەڕۆی ئەمرۆ چەكدارانی داعش هێرشیانكردە سەر سوپای عێراق و بەو هۆیەوە دوو سەربازی سوپای عێراق كوژران و ٥ ی دیكەش برینداربوون كە لەناو بریندارەكاندا عەقیدێكی تێدایە"
جێگای ئاماژەدانە شەوی ڕابردوو چەكدارانی داعش لە گوندەكانی قەزای داقۆق، هێرشیانكردە سەر پۆلیسی فیدڕاڵی و بەو هۆیەوە پۆلیسێك كوژراو داعشێكیش بە برینداری بە دیل گیرا.