گەریلاکان زەبرێکی دیکە لەسوپای تورکیا دەوەشێنن

بەرپرسێکی هەپەگە ئشکرایکرد، کە لە چالاکییەکی گەریلاکانیاندا لەناحیەی سیدەکان چوار سه‌ربازی سوپای توركیا کوژراون و پێنجی دیکەش برینداربوون.

رێڤان وڵات، به‌رپرسی راگه‌یاندن و چاپه‌مه‌نی هێزه‌كانی پاراستنی گه‌ل (هه‌په‌گه‌) رایگه‌یاند، "له‌ گردی لێلكانی ناحیه‌ی سیده‌كانی قه‌زای سۆران گه‌ریلاكانمان به‌ چه‌كی قه‌ناس چوار سه‌ربازی سوپای توركیایان كوشت و پێنج سه‌ربازیشیان برینداركردووە".

دەشڵێت، دوای ئه‌و چالاكیه‌ی گه‌ریلاكان، سوپای توركیا له‌ رێگه‌ی فڕۆكه‌وه‌ بریندار و كوژراوه‌كانی گواستۆته‌وه‌، دواتریش توركیا به‌خه‌ستی بۆردومانی ناوچه‌كه‌ی كردووە، بەڵام هیچ زیانێكی گیانی نه‌بوو.